方中信试过2年冇工开？如今年过半百，依然不断拍戏

仲记唔记得方中信？

相信在座各位

同可乐君一样

细细个都有睇过

佢D电影同剧集

方中信86年就入行

有D作品播出嘅时候

大家可能仲未出世

而可乐君印象比较深嘅作品

有《烈火雄心2》

佢饰演资深消防队长唐明

一身消防员look劲有型！

同剧仲有张可颐、蒙嘉慧、

陈慧珊、郑嘉颖等艺人出演

阵容猛料值得翻煲！

同徐子珊合作嘅《仁心解码》

饰演精神科医生高立仁

医生配madam破案

剧情好精彩！

搭档廖启智嘅

《律政强人》

出演“法律界神话”张强

又係专业人士角色

剧中佢同智叔互飙演技

正到痹！

方中信呢个名

咁多年来都算係家传户晓

电影《新扎师妹》都曾经恶搞过

仲成为咗经典片段！

Well

讲起方中信

都有一段时间冇见

最近佢上访谈节目《诸朋好友》

状态好fit依然好有型！

同十几年前差唔多样

又一个“食咗防腐剂嘅男人”

饰演过咁多精英角色

方中信俾人嘅感觉

係好稳重好可靠

但原来佢曾经因为得罪人

搞到冇工开咁惨？！

方中信喺30岁时

事业好似过山车咁

当时加盟TVB

拍电影又拍电视剧

偏偏呢个时候遇上低潮

佢得罪咗电视监制

搞到2年冇工开

当时佢又要供楼

所以情况“好阴功”

不过佢亦经一事长一智

为免得罪人而家讲嘢只讲3成

仲笑言如今呢位监制

已经离开咗TVB

除此之外

佢又自爆曾经被呃片酬

试过制作人俾现金佢

后来发觉少咗几张

又试过被另一位演员

袋起晒D片酬

虽然曾经好黑仔

但亦都有幸运嘅事

就係佢比较早北上发展

方中信话自己好幸运

唔係而家唔够人抢

北上发展嘅方中信

近年都拍过唔少内地剧集

比如《海棠经雨胭脂透》

邓伦、李一桐主演

同剧仲有李若彤

港剧有《机动部队》

林峯、蔡卓妍主演

方中信演阿sir刘建晖

电影方面都有佢嘅身影

包括林峯、文咏珊等主演嘅

《新倚天屠龙记》

方中信饰演杨逍

《一级指控》

方中信再同智叔斗戏

部戏之前已经喺hk上映咗

希望好快可以喺本地都睇到啦

阵容都好强劲

有谭耀文、陈家乐、

鲍起静、何佩瑜等艺人出演！

仲有咁多剧集电影等住出街

方中信果然宝刀未老

期待未来佢有更多好嘅剧集

带俾我哋啦！

More · 今日娱乐看点

郑爽瑞丽开年封

郑爽瑞丽2021年开年刊封面，

红当当果然够晒喜庆，

话咁快即将迎来新嘅一年，

希望大家都有好嘅开始啦！

有翡新剧照

电视剧《有翡》，

今日发布十二月第一组剧照，

宣传咗咁耐，

究竟几时播出？

大雪

原来已经到咗大雪啦，

仲冬时节正式开始，

天气会比小雪更冻，

不过广州今日反而热咗？

资料来源：艺人社交平台

微博、影视截图

互联网综合整理

编辑：Junko

*文中图片如涉及侵权请联系，立即删除

扫描下方二维码

get最新672期《可乐生活》

▼

海鲜包送到屋企

你都可以做厨神

▼

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方唯一商务合作QQ：19021820609