无线电视城灵异事件 群星大讲撞鬼实录

无线电视城灵异事件

无綫电视城被喻为阴气重的地方，闹鬼传闻无日无之，尤其不时听到艺员遇见灵体。将军澳电视城未落成之前，大台总部位于清水湾电视城，而其前身係昔日邵氏影城，当年有多个影星及导演曾在邵氏宿舍自杀，加上已故影星傅声亦是在清水湾道汽车失事而死亡，即使现时搬到将军澳，电视城内的鬼故依然层出不穷，劲多艺员同工作人员都曾经试过撞鬼。

入厂禁忌：唔好向上望

有传灵体好锺意睇人拍戏，当所有灯都向下打，佢哋只能匿喺灯上面阴暗处，而艺员间有个不成文规定，入厂唔会向上望，否则就好易见到污糟嘢！又係喎，镜头甚少影向灯光顶，真係愈谂愈惊！

黑布冚镜头

闩厂冚机原来係行规！控制台嘅人会望到机裡面影嘅嘢，所以唔係正式录影时，工作人员会用黑布冚住镜头，以免睇到污糟嘢！

化妆间的脚步声

另一则传闻发生于清水湾旧厂化妆间，事发时有两位负责梳头、化妆员工，閒来无事，坐于化妆间睇电视，突然听到有「人」行入嘅脚步声，喺镜子睇到係一名中年男子，佢哋以为有人需要化妆，点知一转身竟然鬼影都冇隻！此外，道具部走廊亦一直流传有「人」身穿旗袍，经常于深夜时分喺走廊走来走去，至于係人定係鬼，咁恐怖，梗係冇人敢去证实啦！

鬼都去食饭

话说某晚，有两名工作人员打算从地下搭电梯上二楼饭堂食饭，当电梯门打开时，二人见到一男子行出来，初时大家不以为然，当到达二楼打开门时，方才于地下步出嘅男子竟然又于二楼入电梯，吓到两人目瞪口呆！

李施女华刨剧本撞冇面女鬼

去年大热嘅《 金宵大厦 》叫好又叫座，自然食住个势原班人马拍续集。剧情奇幻、造型复古、拍摄场地都专拣历史悠久古旧地方，因此怪事连连。第一辑拍摄时陈山聪爆 PA 见到白影飘过，今次续集女主角李施嬅夜半独自刨剧本歎杯红酒影张相，酒杯上惊现冇面「 姐姐 」倒影，李施嬅日前喺 IG 分享灵异相片，新鲜热辣，唔少网友睇过后大呼心寒！

相中可見紅酒杯身驚現類似「人形」倒影，但當時李施嬅喺屋企刨劇本，身邊根本冇人。

欧阳震华被拍大髀

男休息室嘅受吓者仲有欧阳震华：「有次日头未够钟入厂，就去咗男艺员休息室瞓觉。点知突然畀人拍醒，我好清楚听到一声大力拍大髀嘅声，扎醒咗见到冇人、自己又唔郁得，可能够钟入厂，嗰啲嘢想叫醒我！都听过有工作人员话有细路仔嘛，但我就未见过，嗰次之后都冇再入过去，咪搞！」

滕丽名移形换影

当年《 真情 》剧组拍摄嘅旧清水湾电视城6号录影厂出名位置最入、最阴森，6厂女厕更加係全城「 阴中之阴 」，好多艺员都避之则吉，不过当年新加入剧组嘅阿滕有次人有三急，惟有硬住头皮衝入去6厂女厕解决。该女厕共有4格、4个洗手盆和4面镜子，明明就近拣第一格厕所解决，出嚟用第1个洗手盆洗手，滕丽名话洗手时竟然发现自己个样出现喺最后一块镜中，吓到标冷汗！

姚子羚撞冇脚女鬼

03年拍摄《 栋笃神探 》夜戏，姚子羚试过一个人喺化妆间，但就见到另一个灰色 T 恤长髮女仔：「 骤眼睇佢唔似艺员，又唔似化妆阿姐，以为係生面口临时演员。我冇理就瞓一阵，突然感觉寒风阵阵，我就扎醒咗，跟住我支唇彩跌喺佢附近，我去执时唔见佢双脚，起初我以为佢双脚瑟缩喺凳上，我睇真啲，佢冇脚之馀，原来个样模糊到不见五官。当时我劲惊，即刻跑出走廊比较光猛地方！」

林峯 被消失

男艺人们唔好彩喇，撞正男休息室係电视城中最热门撞鬼地点，离咗巢嘅林峯都试过：「男休息室好邪门，试过有次入去瞓觉，唔明点解够晒钟 PA都冇叫醒我。点知佢话入到去见我唔到喎，咁邪！自此我就唔敢再入休息室瞓觉。」此外，林峯话佢喺屋企都试过被鬼压，仲见到个人影同一阵烟、仲要讲国语?，好惊惊囉！

张家辉 阴森口哨声

张家辉亦曾于清水湾电视城遇上口哨鬼，事发于半夜时分，当时佢正于 四厂赶拍剧集《骗中传奇 》，突然成组人听到厂内传出口哨声，即使拍摄期间亦未停过，但拍完之后睇重播，却听不到之前嘅口哨声，令在场所有人都毛管戙！

苗侨伟见鬼畀鬼责

电视城以外，有时外地拍剧入住酒店都好惊吓，三哥苗侨伟话试过去马拉拍剧，酒店厕所不断传出怪声，令佢冇觉好瞓。后来补眠至下午四点，又被黑影压住，动弹不得，吓到佢当晚要同保镳孖铺壮胆。点知更可怕嘅事陆续有来，三哥瞓到第二朝发现保镳不知所终，一转身想起身嘅时候，又被鬼压，更见到个衣衫褴褛嘅伯伯踎喺原先保镳瞓嘅位置望住佢！

郑伊健 八个人去九人返

一向大唔透又贪玩嘅郑伊健，当年试过约一班幕后工作人员黄昏时分入电视城打 war game。八个大男孩喺民初街玩完离场之际，领队郑伊健数人头数来数去都係九个人，当时有人以为佢玩嘢吓鬼，不过换著第二个数，又係数到九个人！另一次伊健喺电视城等埋位期间瞓喺地毡上休息，突然有盏灯由高处跌正喺佢身边。伊健事后表示：「 发生意外后，有位有阴阳眼嘅同事话之前见有个著住小凤仙装嘅女人坐喺灯槽上，盏灯冇整伤我，可能佢同我玩啦，不过我以后入厂都唔敢唔拜神！」

locker门离奇打开

去年黎诺懿主持无綫节目《 懿想得到 》请嚟老友郑伊健重游电视城旧地，伊健提起旧时刚进 TVB， 获派locker锁匙及当时嘅锁匙号码往事时，背后啲 locker 门突然离奇打开，然后伊健又乘机分享旧电视城出名猛鬼，据悉该集播出后连高层都有微言话怕影响艺人心理。而黎诺懿就话男更衣室鬼古听得多，不过自己就未遇过，今次係第一次亲身感受 locker 门自动弹开。

吴卓羲 目睹鬼上身

03年拍剧集《 英雄?刀?少年 》，吴卓羲刚刚成名担正做男主角，捱更抵夜焗住喺男休息室小睡，咁就出事：「 因为赶戏日接夜咁拍，我同成班训练班同学都喺休息室瞓觉。点知瞓瞓吓，隔篱个同事突然讲嘢，好似鬼食泥咁，但听唔明佢噏乜，最恐怖嘅係佢把声变咗第二个人把声，跟住其他人都畀佢吓醒，成班人惊到鸡飞狗走！」另一次更惊吓，大约凌晨三、四点同一男同事喺休息室瞓觉，睇住有个细路喺门口方向走入嚟，但当时度门係闩咗?，佢同男同事劲惊，最后合埋眼数三声一齐衝跑出休息室！

黄宗泽 房灯唔著又著

Bosco 有次去马来西亚怡保拍摄剧集时入住酒店尾房，插入房卡后其中一盏灯一直未有著灯，当地保镳察觉有异样，就企咗喺房门唔肯入去。傻更更嘅 Bosco 不以为然行入房，随即感到周身唔聚财。直到佢行近床边时，本来开唔著嘅房灯又突然发光，Bosco 登时回头望一望保镳知道唔对路，吓到立即离开房间，匆忙间仲留低埋啲行李?！

萧正楠与林夏薇 摄录机现雪花

为咗拍摄剧集《 十二传说 》，萧正楠同林夏薇要去到新娘潭、达德学校等都市传闻闹鬼胜地拍摄，二人异口同声话受环境同气氛影响，拍摄全程都觉得气氛诡异感觉好寒，明明电话收到讯号，但係摄录机屏幕就离奇接收唔到讯号，变咗雪花。萧正楠话：「 以前啲仪器好少失灵，嗰晚荧幕受到干扰，大家都唔敢出声，都几怪异！」即使每日装香求顺利，但剧中演员韩马利嘅老公去新娘潭探班时，不幸跣脚受伤，要抖足几个月呀阴功！

孙慧雪 细路玩波子

孙慧雪都试过喺《 恐怖在线 》分享亲身经历：「 男休息室出名好猛鬼，好多男同事话见过有小朋友，我喺女休息室都试过！有晚拍到好攰一个人喺女休息室小休，突然间听到有细路玩波子，嗰啲『 啲啲啲 』波子声由远至近到身边，我即时弹起身全身毛管戙！又试过喺睡梦中突然听到啪一声巨响，原来身旁一张休息长凳喺冇人冇风嘅情况下自己倒下，所以我以后尽量都唔去呢间休息室。」

汤镇业与杨明 冇拜神即炒车

汤镇业与杨明于17年拍《 心理追凶 MIND HUNTER 》时，有指开镜前漏咗拜神装香仪式，搞到怪事同意外频频发生。杨明拍摄时炒电单车被送院、另一同事拍剧跣亲尾龙骨，都搞到要做物理治疗有排医，汤镇业有感而发：「 为咗拍剧斩咗啲百几年老树，但事先又冇拜神，所以真係邪！」