许芯悦遭人身攻击爆喊，庄思明：我先系受害者

许芯悦遭人身攻击爆喊，庄思明：我先系受害者！

艺人许芯悦（Katie）出席带货王活动，甫开始时表现如常：“因自己做开网上直播，对网上带货冇难度，而且都是卖面膜、消毒产品嘅日用品…”

但当提到日前被爆料她与庄思明及其男友杨明拍戏期间，庄思明刻意贴身监场，以免有人“埋杨明身”，她即突然耷低头兼手震，激沉默30秒后哽咽说：“我唔可以讲太多， 寻日出咗报道之后，收到message系咁闹我，唔想受人哋人身攻击、侮辱、诅咒我！（咩人？）有一个人，唔想提佢。”问因此事不开心？她全程爆喊谓：“寻日喊咗好耐，今朝七、八点就醒咗，我瞓唔到，一路喊……”

问有人恐吓她？此时她突然全身发抖，哭着说：“我唔可以讲太多。（会报警？）暂时未谂到，佢都系闹我，未到恐吓。（点解唔报警？）我唔清楚、唔知道。”当再追问下去时，她喊得更厉害：“有人叫我唔好讲呀！但点解事实唔可以讲？我只系答咗几句咋嘛，就咁样？”

许芯悦指对方传了很多段长篇短讯给她，问可想跟对方讲清楚？她说：“我觉得人与人之间最需要嘅系尊重！（依家惊见到佢？）要到时先知。（会避开佢？）我觉得唔系个个都会将自己畀人闹嘅message畀记者睇，去令到自己可以上到C1（娱乐头版），因为C1唔系最重要，钱都唔系最重要，就算矮做model都唔代表人格差！”

问要为自己平反？她继续喊：“我觉得如果冇发生过一次或以上，都唔会畀人咁讲啰！”问是指对方做过的行为？她只是点头。而家人亦知她不开心，并说：“我都有畀message佢哋睇，佢哋好心痛。”问可会找杨明摆平事件？她即说：“我冇佢任何嘅联络方式。”由于已经拍完戏，问做宣传时可会避开？她就谓不知何时做宣传。

对于许芯悦在活动上爆喊指受到侮辱，庄思明回覆：“佢呢头喺我哋个电影群组度同我、阿杨讲晒对唔住，又话抱歉两位，估唔到报道会出嚟咁样，依家出嚟见记者又话受侮辱，其实佢系咪有精神分裂？佢系咪靠老屈嚟呃饭食！好似我先系受害者喎！”

另外，面对许芯悦在活动爆喊指遭到人身攻击，庄思明再于社交网发文，强调“公道自在人心”，唔想畀人屈：“预咗啲讲开大话嘅人系唔会咁容易收手?啦！你要继续老屈作故仔搏见报你咪继续啰，公道自在人心！我又唔知你系边个，同你讲多都嘥气#我系受害者都未喊#人在做天在看#你想利用我到几时#系唔系唔作故仔唔屈人就冇得见报呀”。

之后，庄思明再在社交网发功，展开狙击：“其实佢都几好笑＃想笑死我＃有个小丑凼自己开心都几幸福呀＃你再讲大话小心变咗木偶鼻”。

转自看港剧