何雁诗揭小三真相　爆郑俊弘承诺赎罪

何雁诗剖白当日所受的伤害，但已选择原谅郑俊弘。

快将成为人妻何雁诗，当年因爱上有未婚妻的郑俊弘，险些赔上生命， 但别人眼中可恨之人，其实亦有其可怜之处。她终挺起胸膛首度真情剖白，原来当年遭至爱隐瞒，“被做小三”，坦言当年得知真相时惊到全身颤抖！

守得云开见月明，一直不被睇好的何雁诗及郑俊弘（Fred）今年11月就会拉埋天窗。曾被封“小三”的阿诗3年多前恋上Fred闹得满城风雨，她趁婚前首次自辩：“当时自己系不知情，但亦冇得狡辩。”当年公开恋情前，Fred被爆有位拍拖3年的未婚妻，她坦言当时大感错愕：“成个人系咁震震震，Shock?！我都系早传媒一、两日知道， 当时Fred有打畀我讲呢件事。（佢知畀人爆大镬？）我唔知点解佢会讲，当时佢同我讲：‘你谂吓啦！’”

蒙在鼓里的阿诗不堪打击，一度自残，手上留有伤疤（圆圈示）。

阿诗受千夫所指导致情绪病复发，病情一发不可收拾，当时虽有接受治疗，但仍不堪压力，传出醉酒割脉自杀入院，现时手上疤痕仍在，但她直言心病已愈：“过咗去我冇谂啦，同啲唔好嘅新闻一样，过咗去。我依家更加识得点样处理情绪，呢样先最紧要。”并透露现时情绪稳定，没必要经常提起不快事：“我经历过乜，学习到就够。我会在意对自己有价值嘅嘢，做好自己。”

身心受创的阿诗因深爱Fred，选择原谅对方：“既然拣得同佢一齐，就无谓再责备佢，因为开始Blame人，就会惯咗咩都话佢， 咁样大家唔会开心，又会嬲猪，过咗就算。（选择忘记？）忘记唔到嘅，但我选择Foucs喺依家。”她承认以往疑心重，但现时对男友百分百信任，全因当日Fred自知这段恋情对两人的事业有很大影响，曾向她作出承诺：“佢意思系‘做过嘅过失，会努力弥补番。’”自此他们就绝口不提旧事，这亦是双方相处之道：“唔好将啲负能量拎出嚟讲，唔好发大。”

当年盛传因阿诗情绪失控，所以没公司敢与她签约，她承认受传闻所伤：“我承认系一个好多情绪、好多感觉嘅人，呢行好多人都系咁，只不过标签咗我，点解要咁？我觉得不受尊重，有少少Insulting（侮辱）。呢个系病嚟， 唔系我拣，其实情绪病就好似感冒咁。”

现时作为独立歌手，阿诗创作新歌《绝望时请点播》时，不停回想过往经历的高山低谷。面对惯性负评，她勇于承担，亦学懂乐观面对：“冇得担心、冇得洗白，搜寻‘何雁诗’三个字已经出晒嚟，我只可以做好自己专长嘅嘢，好似打Golf、做音乐，希望有多啲好嘢畀大家记得，唔系净系记得啲负面嘢。”

阿诗与Fred携手共渡难关，大赞对方是与她最夹的男友，说时不禁甜笑：“佢畀我感觉到，既系好朋友，又系我另一半，好似Puzzle（砌图）咁，如果唔系都唔嫁畀佢啦！”她坦言当初被“睇死”，却无损两人热恋：“我哋一直睇好呢段关系，一开始已经感觉到相处好合拍，面对各样事情嘅反应都相似，冇乜压力影响到我哋对呢段关系嘅信心。”

转自看港剧